Tumaas pa ang bilang ng mga tinamaan ng coronavirus disease o COVID-19 sa bansa.
Ayon sa huling datos ng Department of Health (DOH), 1,406 ang bagong naitalang kaso ngayong araw ng Sabado (December 26) kaya umabot na sa 469,005 ang kabuuang bilang ng tinamaan ng virus sa bansa.
266 naman ang bagong naitalang gumaling o naka-recover na sa COVID-19 sa bansa kaya umabot na ito sa 91.9% o 431,055.
Ang bilang naman ng nasawi ay nadagdagan ng 5 kaya umabot na ito sa 9,067 o 1.93%.
Paalala naman ng DOH ngayong ipinagdiriwang natin ang Pasko ay dapat limitahan lamang sa immediate family members ang mga pagtitipon, masusustansyang pagkain din ang ihain at laging tandaan ang pagsusuot ng face mask at face shield sa paglabas at iwasan din ang pakikihalubilo sa maraming tao.