Ilang barangay sa Sta. Ana, Cagayan lubog pa sa baha

Lubog pa rin sa baha ang ilang mga barangay sa Sta. Ana, Cagayan.

Bunsod ito ng nararanasang pag-ulan na dulot ng Tail end of a frontal system.

Sa inilabas na update ng Cagayan Provincial Information Office, may mga bahay pa din na lubog sa baha sa mga Barangay ng Sta. Clara, Dungeg, Marede, Batu-Parada at Casagan.

Sa pinakahuling Heavy Rainfall Advisory ng PAGASA, makararanas pa rin ng katamtaman at kung minsan ay malakas na pag-ulan sa Baggao at Gattaran, Cagayan.

Habang mahina hanggang sa katamtaman na pag-ulan naman sa mga bayan ng Camalanuigan, Claveria, Gonzaga, Santa Ana at Sanchez Mira.