Jose Abad Santos, Davao Occidental muling niyanig ng lindol

Niyanig ng magnitude 3.4 na lindol ang lalawigan ng Davao Occidental.

Ayon sa Phivolcs, naitala ang pagyanig sa 160 kilometers southeast ng bayan ng Jose Abad Santos, alas-5:48 umaga ng Miyerkules (December 23).

May lalim na 26 kilometers at tectonic ang origin ng pagyanig.

Wala namang naitalang pagkasira ng mga ari-arian, intensities at aftershocks bunsod ng pagyanig.

Nauna nang nakapagtala ng magnitude 3.1 na pagyanig sa lugar kaninang alas-2:24 ng umaga.