Prime Minister ng Israel naturukan na ng COVID-19 vaccine

Sina Prime Minister Benjamin Netanyahu at Health Minister Yuli Edelstein ang unang tumanggap ng COVID-19 vaccine sa Israel.

Kahapon, nabakunahan ang prime minister sa Sheba Medical Center.

Sinabi ni Netanyahu na simula na ito ng unti-unting pagbabalik sa normal ng sitwasyon sa bansa.

Ang mga bata ay muling mayayakap ng kanilang mga magulang, lolo at lola at iba pang mahal sa buhay.

Unti-unti na ring magbabalik ang negosyo gayundin ang mga sports sa Israel.

Kasabay nito nanawagan si Netayahu sa mga mamayan ng Israel na magpabakuna laban sa COVID-19.

Ang bakuna ng Pfizer ang unang naging available sa Israel at nakatakda nang magsagawa ng mass vaccination sa kanilang mga mamamayan.