LOOK: Maraming lugar sa Bislig City nakaranas na ng pagbaha dahil sa pag-ulan na dulot ng bagyong Vicky

Nakaranas na ng pagbaha sa maraming mga lugar sa Bislig City dahil sa nararanasang patuloy na malakas na buhos ng ulan.

Sa huling rainfall advisory ng PAGASA kasama ang Surigao del Sur sa nakasailalim na sa orange rainfall warning.

Ayon sa City Information Office ng Bislig, kabilang sa binaha ang Brgy. Mangagoy.

Nagsagawa na ng inspeksyon si Bislig City Mayor Florencio Garay sa mga lugar na naapektuhan ng pagbaha.

Inatasan din ng alkalde ang mga purok official sa mga apektado ng pagbaha na magpatupad ng paglilikas sa kanilang mga residente sa sandaling hindi humupa ang tubig-baha.