Aktor na si Ian McKellen nagpabakuna na kontra COVID-19

Kahit siya si Magneto sa X-Men films at si Gandalf sa The Lord of the Rings, batid ng aktor na si Ian McKellen na hindi siya sasantuhin ng COVID-19.

Kaya naman si McKellen, tumanggap na ng bakuna kontra sa sakit.

Sa kaniyang Instagram, ibinahagi ng aktor sinabi niyang ang pagpapabakuna ay hindi lamang para sa sarili kundi para mga taong malapit sa kaniya.

Wala umano siyang naramdamang sakit sa pagbabakuna at hindi umano siya mag-aatubiling hikayatin ang publiko na magpabakuna laban sa COVID-19.

“Of course, it’s painless… I would have no hesitation in recommending it to anyone. I feel very lucky to have had the vaccine,” ayon sa 81-anyos na aktor.