Ang LPA ay huling namataan sa layong 820 kilometers East ng Davao City.
Ayon sa PAGASA, maliit pa ang tsansa na maging ganap na bagyo ang LPA, pero ang trough nito ay magpapaulan na sa ilang bahagi ng Mindanao at Visayas.
Sa weather forecast ng PAGASA ngayong araw, ang Eastern Visayas, Northern Mindanao, Caraga, SOCCSKSARGEN at Davao Region ay makararanas ng makulimlim na kalangitan at kalat-kalat na pag-ulan dahil sa trough ng LPA.
Maulap na papawirin din ang mararanasan sa Cagayan Valley at Cordillera Administrative Region dahil sa northeast monsoon.
Habang sa Metro Manila at nalalabing bahagi ng Luzon, bahagyang maulap na papawirin ang iiral na mayroong isolated na pag-ulan dahil din sa northeast monsoon.
Sa nalalabing bahagi ng bansa, bahagyang maulap na papawirin lamang ang iiral dahil sa localized thunderstorms.