Pasok sa government offices sa General Santos City suspendido matapos ang magnitude 6.2 na lindol

Sinuspinde ang pasok sa lahat ng pasilidad ng gobyerno sa General Santos City.

Kasunod ito ng malakas na magnitude 6.2 na lindol na tumama sa Alabel, Sarangani ngayong Miyerkules (Dec. 16) ng umaga.

Ang suspensyon sa pasok sa trabaho sa gobyerno ay hanggang ala 1:00 ng hapon mamaya.

Ito ay para maisailalim sa inspeksyon ang mga pasilidad ng gobyerno kasunod ng malakas na lindol.

Bubusisiin ang mga gusali ng gobyerno upang matiyak na ligtas gamitin ang mga ito.