FDA, nagbabala laban sa ilang hindi rehistradong pagkain

Nagbabala ang Food and Drug Administration (FDA) sa lahat ng healthcare professionals at publiko hinggil sa ilang hindi rehistradong produktong pagkain.

Ayon sa FDA, sa pamamagitan ng post-marketing surveillance, natuklasang hindi rehistrado ang mga produkto at walang Certificate of Product Registration.

Sinabi ng ahensya na hindi dumaan sa evaluation process ang mga produkto kung kaya hindi tiyak kung ligtas itong kainin.

Narito ang mga produkto na inilahad ng FDA:
– MINXIANG Green Colored Pouch
– MINXIANG 60 Purple Colored Label (Product Name in Foreign Character) – XIANGMANTIAN, 25g (Product Name in Foreign Character)
– Sachet with Orange Lining (Brand Name and Product Name in Foreign Character)
– Sachet with Green Lining (Brand Name and Product Name in Foreign Character)

“All concerned establishments are warned not to distribute, advertise, or sell the said violative food products until CPR are issued, otherwise, regulatory actions and sanctions shall be strictly pursued,” pahayag pa nito.

Maaaring i-report ang pagbebenta ng mga hindi rehistradong produkto sa pamamagitan ng eReport sa www.fda.gov.ph/ereport.