MMDA nagsagawa ng operasyon sa sa unang araw ng muling pagpapairal ng truck ban

Nagsagawa ng operasyon ang MMDA sa unang araw ng muling pagpapairal ng truck ban sa mga pangunahing lansangan sa Metro Manila.

Ayon sa MMDA, sa kahabaan ng EDSA mula sa Magallanes hanggang sa North Avenue ay 24-oras na iiral ang truck ban.

Habang 6AM to 10AM naman at 5PM to 10PM ang truck ban sa iba pang pangunahing lansangan.

Ayon kay MMDA EDSA Traffic Head Bong Nebrija, maging ang mga closed van lamang ay kailangang parahin ng MMDA para tignan ang kanilang papel at malaman ang kanilang loading capacity.

Kahit kasi closed van lang hindi aniya dapat lalagpas sa 4,500 kilograms ang kanilang loading capacity.