Pangulong Duterte nais ibalik ang paggamit ng baton sa mga pulis

Nais ni Pangulong Rodrigo Duterte na ibalik ang paggamit ng baton sa sa mga pulis bilang kanilang “first line of defense”.

Ayon sa pangulo, ito ay para maiwasan din ang paggamit nila agad ng baril kapag ang isang suspek ay nanlalaban.

Sa kaniyang weekly pre-recorded speech na umere Lunes ng gabi, sinabi ng pangulo na nagtataka siya kung bakit itinigil ang paggamit ng baton ng mga pulis.

Kung maibabalik ang baton, sinabi ng pangulo na ang gawa sa matigas na rubber ang kaniyang ipagagamit sa mga pulis at hindi ang gawa sa kahoy.

Habang wala pang nabibiling mga baton, maari aniyang gumamit muna ng yantok.