P54-M halaga ng shabu, nasamsam sa isang mall sa Parañaque

Aabot sa P54 milyong halaga ng shabu ang nasamsam ng Philippine National Police (PNP) sa isang mall parking area sa Parañaque City.

Ayon sa PNP chief Debold Sinas, dalawang suspek ang naaresto sa naturang operasyon.

Nakilala ang mga suspek na sina
Marlon Bayan, 32-anyos at Guimalodin Ebrahim, 27-anyos.

Ayon kay Sinas, regular carriers ng shabu mula Manila patungong Mindanao ang dalawang suspek.

Malaking dagok aniya sa sindikato ng ilegal na droga ang pagkaaresto sa dalawang suspek.

Sinabi pa ni Sinas na ang pagkakaaresto kina Bayan at Ebrahim ay kasunod na rin ng case operation plan “Blood Stone” na inumpisahan noong nakaraang buwan lamang.