Gagamitin ang pasilidad para sa COVID-19 patients sa Burgos at Sta. Barbara.
Sinabi ni DPWH Secretary at Isolation Czar Mark Villar na ginawang quarantine facility ang Pangasinan Reformation Center sa bayan ng Burgos at ang Office of the Provincial Agriculturist (OPAG) Building.
Ang Ligtas COVID-19 Center facility sa Burgos ay may 25-bed capacity at isang nurse station.
Inabot ng P2.25 milyon ang pondong inilaan sa naturang proyekto.
May 40 bed capacity naman ang OPAG unit sa Sta. Barbara at isang nurse station.
Umabot ang pondo rito sa P2.1 milyon.
“DPWH will continue to build and convert existing government buildings nationwide to meet the demand for isolation facilities as we combat the pandemic,” pahayag ni Secretary Villar.