Sec. Eduardo Año inatasan ang PNP na dakpin ang mga nasa likod ng pagpatay kay Los Baños Mayor Caesar Perez

Inatasan ni Interior Secretary Eduardo Año ang Philippine National Police (PNP) na magsagawa ng masusing imbestigasyon sa kaso ng pagpatay kay Mayor Caesar Perez ng Los Baños, Laguna.

Si Perez ay binaril sa loob mismo ng munisipyo sa Barangay Baybayin Huwebes (Dec. 3) ng gabi.

Inatasan ni Año ang PNP na agad tukuyin kung sino ang nasa likod ng pamamaslang.

Naisugod pa sa HealthServ Medical Center ang alkalde pero pumanaw din ito.

Tiniyak naman ni PNP spokesperson Brig. Gen. Ildebrandi Usana na nagsimula na sila sa pangangalap ng imbestigasyon at pagtukoy ng mga nasa likod ng pamamaril.

Sa ngayon sinabi ni Usa na wala pang persons of interest sa kaso.