AFP hindi irerekomenda ang holiday ceasefire sa CPP-NPA

Walang balak ang Armed Forces of the Philippines na irekomenda kay Pangulong Rodrigo Duterte ang pagdedeklara ng ceasefire sa CPP-NPA ngayong holiday season.

Ayon kay AFP Spokesman Maj. Gen. Edgard Arevalo, ilang ulit nang nagpakita ng kawalan ng sinseridad ang mga komunista kapag nagdedeklara ng holiday truce ang pamahalaan.

Taun-taon ay lumalabag aniya ang mga komunista sa kanilang sariling ceasefire declaration.

Ayon kay Arevalo, pumapasok lamang sa peace talks ang mga komunista para sila ay magkaroon ng tsansa na mag-regroup at magrecruit ng mas maraming miyembro.