22 pang pulis nagpositibo sa COVID-19

By: Dona Dominguez-Cargullo - 4 years ago

Aabot sa 22 ang bagong napaulat na pulis na tinamaan ng COVID-19 ayon sa Philippine National Police (PNP).

Sa datos ng PNP Health Service hanggang 6:00, Miyerkules ng gabi (December 2), 8,212 na ang confirmed COVID-19 cases sa hanay ng pambansang pulisya.

Sa nasabing bilang, 412 ang aktibo pang kaso.

30 namang pulis ang gumaling sa nakakahawang sakit.

Dahil dito, 7,773 na ang total recoveries sa hanay ng PNP sa naturang sakit.

Isang pulis naman ang napaulat na nasawi dahil sa COVID-19.

Bunsod nito, 27 na ang COVID-19 related deaths sa pambansang pulisya.