Eastern Visayas, may bagong 47 kaso ng COVID-19

Nadagdagan ng 47 ang bilang ng kaso ng COVID-19 sa Eastern Visayas.

Naitala ang mga bagong kaso mula sa 1,049 laboratory samples na sinuri ng EVRCTC at DWHVL.

Sa datos ng Department of Health (DOH) – Eastern Visayas hanggang 7:00, Martes ng gabi (December 1), 8,783 na ang confirmed COVID-19 cases sa probinsya.

Sa nasabing bilang, 560 o 6.38 porsyento ang aktibong kaso.

71 residente naman ang gumaling pa sa nakakahawang sakit.

Bunsod nito, umabot na sa 8,133 o 92.60 porsyento ang total recoveries sa Eastern Visayas.

Nasa 90 pa rin ang mga residenteng nasawi o 1.02 porsyento bunsod pa rin ng nakakahawang sakit.