30 nasawi sa suicide bombing sa Afghanistan

Nasawi ang 30 security personnel sa suicide bombing na naganap sa isang army base sa Afghanistan.

Ayon sa mga otoridad, nangyari ang pag-atake sa Ghazni City na sentro ng labanan sa pagitan ng Taliban at government forces.

Ayon kay Baz Mohammad Hemat, direktor ng Ghazni hospital, maliban sa 30 na nasawi mayroon pang 24 na nasugatan sa pag-atake.

Isang sasakyan na puno ng mga bomba ang ginamit sa pagpapasabog.

Minamaneho ng suicide bomber ang sasakyan na ipinasok nito sa army base at saka pinasabog.