Mahigit 100 Pinoy na stranded sa Palau simula nang magkaroon ng pandemic, nakauwi na sa bansa

Dumating na sa bansa ang mahigit 100 Pinoy na stranded sa Koror, Palau mula pa noong magkaroon ng pandemic ng COVID-19.

Ang mga Pinoy ay na-stranded doon dahil sa ipinatupad na travel restrictions.

Lulan ng AirAsia flight na inasikaso ng Honorary Consulate office sa Koror ay napauwi sa bansa ang mga Pinoy.

Samantala, mayroon ding 174 na Overseas Filipinos ang nakauwi sa bansa galing ng Korea.

Habang mayroon pang 542 na galing sa Saudi Arabia ang dumating lulan ng dalawang magkahiwalay na special flights.