50 aso nasagip sa lugar na pinagtatayuan ng airport sa Bulacan

Aabot sa 50 aso ang sinagip sa site na pagtatayuan ng airport sa Bulacan.

Ayon sa San Miguel Corporation (SMC) ang mga aso ay pawang inabandona at pagala-gala sa airport site.

Sinabi ni San Miguel Corporation Pres. at COO Ramon Ang, mayroon pang aabot sa 20 mga aso na kanilang ire-rescue sa susunod na mga araw.

Ang mga sinagip na aso ay dinala sa Animal Kingdom Foundation sa Tarlac.

“At San Miguel Corp, we embrace a culture of care not just for our employees and the communities around us but also for animals,” ayon kay Ang.

Bibigyan sila doon ng veterinary treatment at aalagaan hanggang sa gumaling at lumakas.