Mga simbahan nakiisa sa paggunita ngayong araw ng Red Wednesday

Nag-kulay pula ang maraming mga parokya ngayong araw, November 25 bilang paggunita sa Red Wednesday.

Taunang ginugunita ang Red Wednesday at ngayong taon, alay ito para sa mga mayroong sakit at mga frontliner ngayong mayroong pandemic ng COVID-19.

Ang Red Wednesday ay inisyatiba ng Aid to the Church (ACN) Philippines.

Magkakaroon ng sabayang misa sa lahat ng mga parokya sa bansa alas 6:00 ng gabi mamaya.

Sa misa na idinaos ngayong umaga sa Manila Cathedral, kulay pula na ang mga ilaw at dekorasyon sa simbahan.

May mga parokya din na hinimok ang mga magsisimba na magsuot ng kulay pulang damit.