P340,000 halaga ng shabu, nasabat sa Negros Oriental

Nasamsam ng mga awtoridad ang P340,000 halaga ng hinihinalang shabu sa Tanjay City, Negros Oriental Lunes ng hapon.

Sanib-pwersa ang PDEA Central Visayas at Philippine National Police (PNP) sa isinagawa ang buy-bust operation sa bahagi ng Sitio Opao Barangay 9 bandang 5:10 ng hapon.

Naaresto sa operasyon ang drug suspect na si Niel Ryan Ferolino Torres, 29-anyos na residente ng Barangay 3.

Nakuha kay Torres ang tatlong pakete ng hinihinalang shabu, isang unit ng motorsiklo at ginamit na buy-bust money.

Mahaharap si Torres sa kasong paglabag sa Section 5 at 11, Article 2 ng Republic Act 9165 o Comprehensive Dangerous Drugs Act of 2002.