Inanunsyo ni Communications Sec. Herminio Coloma Jr. na ang Pilipinas ang napiling mag-host ng ASEAN Summit sa susunod na taon, na siya ring paggunita ng ika-50 anibersaryo ng organisasyon.
Tikom naman si Coloma tungkol sa mga detalye ng pagtitipon, dahil aniya, ang susunod na administrasyon na ang bahala doon.
Depende na aniya sa susunod na mamumuno ang pakikipag-ugnayan sa mga lokal na pamahalaan na kailangang kausapin para sa mga partikular na detalye tulad na lamang ng kung saan ito gaganapin.
Tumungo si Coloma sa Cebu para sa ASEAN Ministers Responsible for Information, kung saan inihayag niya ang na dapat ipaalam sa lahat ang kalagahan ng pagkakaisa ng ASEAN./Kathleen Betina Aenlle
Ngayong taong 2016, sa bansang Laos gaganapin ang ASEAN Senior Officials’ Meeting na itinakda sa buwan ng Mayo.