Japanese sub, bibisita sa Abril

 

Makalipas ang 15 taon, isang submarine mula sa Japan ang bibisita sa bansa.

Kinumpirma ni Navy Public Affairs chief Commander Lued Lincuna na nakatakdang magsagawa ng goodwill visit ang naturang submarine sa pagitan ng April 3 hanggang 6. Makakasama nito sa kanyang paglalakbay ang dalawa pang escort vessels.

Ang pagbisita ng Japanese submarine ay magaganap sa gitna ng agawan ng teritoryo sa pagitan ng China at Japan sa East China Sea.

Sa South China Sea o West Philippines Sea, ang Pilipinas at China naman ang nag-aagawan sa ilang isla at bahura sa rehiyon.

Sa pamamagitan ng goodwill visit na ito, inaasahang mapapalakas ang relasyon sa pagitan ng Philippine Navy at Japanses Maritime Self Defense Force.