MRT-3 balik-operasyon ngayong araw matapos ang weekend shutdown

Matapos ang ipinatupad na weekend shutdown ay balik na sa normal ang operasyon ng MRT-3 ngayong araw ng Lunes, Nov. 16.

Ang unang biyahe ng mga tren mula sa North Avenue station ay umalis kaninang 4:37 ng umaga at 5:17 ng umaga naman mula sa Taft Avenue station.

Isinagawa ang weekend shutdown na nagbigay-daan sa bushing replacement sa depot at turnout activity sa Taft Avenue station.

Dahil sa rehabilitasyon sa MRT-3 ay unti-unti nang naitaas ang speed limit nito.

Sa ngayon, ang train running speed ng MRT-3 ay 50kph.

Target na maiakyat pa ito sa 60kph sa Disyembre, oras na matapos ang pagsasaayos ng turnouts.