Northern Luzon apektado na ng Amihan; Easterlies iiral sa nalalabing bahagi ng bansa

Northeast Monsoon na o hanging amihan ang nakaaapekto sa Northern Luzon.

Sa weather forecast ng PAGASA ngayong Lunes, Nov. 16 ang Ilocos Region, Cordillera Administrative Region, at Cagayan Valley ay makararanas ng bahagyang maulap hanggang sa maulap na papawirin na mayroong mga isolated na pag-ulan dahil sa amihan.

Sa Metro Manila naman at nalalabi pang bahagi ng bansa, bahagyang maulap hanggang sa maulap na papawirin din ang mararanasan at maaring magkaroon ng isolated thunderstorms dahil sa easterlies.

Wala namang sama ng panahon na binabantayan ng PAGASA sa loob ng Philippine Area of Responsibility.