120 milyong halaga ng sigarilyo nasabat ng Customs

Nasabat ng mga tauhan ng Bureau of Customs (BOC) ang mahigit 120 milyong pisong halaga ng smuggled na sigarilyo sa port ng Cagayan de Oro.

Ayon sa BOC Commissioner Rey Guerrero, isang concerned citizen ang nagtimbre na mayroong isang barko ang kargado ng mga sigarilyo.

Dahil dito, agad na nagsagawa ng operasyon ang BOC sa M/L Nur 1 na galing ng Indonesia at patungo na sana sa Indanan Sulu.

Tumambad sa mga tauhan ng BOC ang tatlong libong kahon ng sigarilyo na walang mga kaukulang dokumento.