Orange heavy rainfall warning nakataas na sa Aurora

Dahil sa nararanasang patuloy na malakas na buhos ng ulan, nagtaas na ng orange heavy rainfall warning ang PAGASA sa Aurora.

Sa inilabas na Heavy Rainfall Warning ng PAGASA alas 8:00 ng umaga ngayong Lunes, Nov. 9, orange warning na ang umiiral sa Aurora dahil sa nararanasang pag-ulan na dulot ng Easterlies at Tail-end of a Cold Front.

Babala ng PAGASA maari nang makaranas ng pagbaha sa mabababang lugar at pagguho ng lupa sa bulubunduking lugar.

Samantala, yellow warning naman na ang nakataas sa bayan ng Dinapigue sa Isabela.

Habang nakararanas ng mahina hanggang sa katamtamang pag-ulan sa Isabela at Quirino.