Metro Manila, mga kalapit na lalawigan patuloy na uulanin – PAGASA

Patuloy na makararanas ng pag-ulan sa susunod na mga oras sa Metro Manila at ilan pang lalawigan na kalapit nito.

Sa inilabas na rainfall advisory ng PAGASA alas 8:00 ng umaga ngayong Lunes, Nov. 9 mahina hanggang sa katamtamang pag-ulan ang mararanasan sa Metro Manila, Zambales, Bataan, Cavite at Batangas.

Mahina hanggang katamtaman at kung minsan ay malakas na buhos ng ulan naman ang nararanasan na sa mga ;a;awigan ng Nueva Ecija, Pampanga, Bulacan, Laguna, Rizal, Quezon at Tarlac.

Pinapayuhan ang mga residente na i-monitor ang lagay ng panahon at mag-antabay sa susunod na abiso ng PAGASA.