Ayon kay Senador Christopher “Bong” Go, partikular na pinatutukan ng Pangulo ang ghost ptojects na naging systemic corruption na.
“Tuluy-tuloy po iyan, pinapasilip na po ni Pangulo ‘yung mga ghost projects. Pinapasilip n’ya dito sa mega task force, pinapa-audit niya po ang lahat ng mga, ‘ika nga, kung mayroong mga ghost project, at mananagot po ang dapat managot. Tuluy-tuloy po ‘yan,” pahayag ni Go.
Ayon kay Go, tiyak na may paglalagyan ang mga tiwaling opisyal.
“So pag pumasok ka sa korapsyon, hindi mo sinunod ‘yung paalala ni Pangulo, you face the consequence. Kung sisibakin ka, kakasuhan ka, ikukulong ka, face the consequence. Talagang tutuluyan kayo ni Pangulo. Tutuluyan namin kayo,” pahayag ni Go.
Apela ni Go sa mga nasa gobyerno, ayusin na ang trabaho at iwasan na ang pangungurakot.
“‘Yung mga korap sa gobyerno, maawa naman kayo sa taumbayan. Nagbabayad ng buwis ang mga ‘yan, they expect nothing less. Lahat po ng binayad nilang buwis ay magagamit po sa tama at wala pong masasayang. Walang masasayang, walang matatapon po dahil sa korapsyon,” pahayag ni Go.