Meralco magpapadala ng 10 team sa Albay para tumulong sa power restoration

Magpapadala ng 10 team ang Manila Electric Company (MERALCO) sa Albay para tumulong sa power restoration.

Ang 10 team ay bubuuin ng 45 linemen na aasiste sa Albay Power and Energy Corporation (APEC) sa massive power restoration effort.

Darating sa Albay ang Meralco team sa SAbado, November 7, 2020.

Itatalaga sila sa District 1.

Una nang nagpadala ng linemen ang 11 electric cooperatives na bahagi ng Federation of Rural Electric Cooperative sa Region 8 (FRECOR 8).

Ipinakalat na sila sa Districts 1 at 3 ng Albay.