Nasawi sa pananalasa ng Super Typhoon Rolly 22 na; 165 pa ang sugatan

Umakyat na sa 22 ang bilang ng mga nasawi sa pananalasa ng Super Typhoon Rolly sa bansa.

Ayon sa National Disaster Risk Reduction and Management Council (NDRRMC), maliban sa 22 nasawi, mayroon pang 3 na nawawala.

Nakapagtala din ng 165 na nasugatan sa pananalasa ng bagyo sa Mimaropa, Calabarzon, at Region 5.

Ayon sa NDRRMC, nakapagtala ng 17 insidente ng pagbaha at dalawang landslides noong kasagsagan ng paghagupit ng bagyong Rolly.

Mayroong aabot pa sa 128 na lungsod at munisipalidad sa Regions 4A, 4B, 5 at 8 ang wala pa ding suplay ng kuryente.

Habang 85 pang lungsod at munisipalidad ang nanaantiling walang suplay ng tubig sa Region 5 at MIMAROPA.