Jeepney WiFi ng Globe ipinakalat sa mga lugar na nasalanta ng Super Typhoon Rolly

Nagpakalat ang Globe ng Jeepney WiFi sa mga lugar na nasalanta ng Super Typhoon Rolly.

Ito ay para maserbisyuhan ang mga residente, lalo at maraming lugar ang nananatiling bagsak ang network service.

Ayon sa Globe, nagdagdag pa ng tatlong bagong sites para sa libreng tawag, mobile phone charging at free WiFi, sa Quezon, Albay at Marinduque.

Mayroong Jeepney WiFi sa Quezon, Albay, Marindique, Camarines Sur, Camarines Norte, at Occidental Mindoro.

Sa mga susunod na araw ay daragdagan pa ng Globe ang mga itatalagang Jeepney Wifi na magbibigay ng libreng serbisyo sa mga residente.