Bilang ng COVID-19 recoveries sa Eastern Visayas, pumalo sa 6,000; Higit 400 ang bagong gumaling

Nadagdagan ng 157 ang bilang ng kaso ng COVID-19 sa Eastern Visayas.

Naitala ang mga bagong kaso mula sa 1,005 laboratory samples na sinuri ng EVRCTC at DWHVL.

Sa datos ng Department of Health (DOH) – Eastern Visayas hanggang 7:00, Miyerkules ng gabi (November 4), 7,046 na ang confirmed COVID-19 cases sa probinsya.

Sa nasabing bilang, 601 o 8.53 porsyento ang aktibong kaso.

Maraming residente ang gumaling pa sa nakakahawang sakit.

Bunsod nito, umabot na sa 6,379 o 90.52 porsyento ang total recoveries sa Eastern Visayas.

Nasa 66 na ang mga residenteng nasawi o 0.94 porsyento bunsod pa rin ng nakakahawang sakit.