Wala pa ring kuryente at network signal sa Catanduanes

Hirap pa din ang National Disaster Risk Reduction and Management Council (NDRRMC) na makakuha ng datos sa pinsala ng bagyong Rolly sa Catanduanes.

Ito ay dahil sa nananatiling walang suplay ng kuryente at walang network signal sa naturang lalawigan matapos ang pagtama ng bagyo.

Ayon sa NDRRMC, puro satellite at radio communications ang nagagawa sa lalawigan.

Limitado din at tinitipid ang paggamit nila ng enerhiya.

Sa ngayon ay nagpapatuloy ang assessment ng mga local disaster office sa pinsala ng Bagyo sa Bicol, Quezon Province at Catanduanes.