LRT, MRT balik-operasyon na ngayong araw

Balik na sa normal ang biyahe ng mga tren ng MRT at LRT matapos na masuspinde kahapon dahil sa pananalasa ng bagyong Rolly.

Ayon sa abiso ng Light Rail Manila Corporation (LRMC) natapos na ang paglilinis sa mga riles kaya nakapag-resume sa tamang oras ang biyahe ng LRT-1.

Alas 4:30 ng madaling araw ngayong Lunes (Nov. 2) ay nakabiyahe ang mga tren ng LRT-1.

Nakapag-resume na din ng biyahe ang MRT-3.

Alas 6:00 ng umaga ngayong araw ay mayroong 17 tren na operational at bumibiyahe.

Ang LRT-2 din ay balik na sa normal na operasyon.

Alas 5:00 ng umaga kanina, 5 tren nito ang bumibiyahe.