Ilang lalawigan, patuloy na uulanin

Patuloy na nakararanas ng malakas na pag-ulan ang ilang lalawigan sa Luzon dulot pa rin ng Typhoon Rolly.

Sa abiso ng PAGASA bandang 8:00 ng gabi, inalis na ang lahat ng rainfall warnings sa Quezon at Batangas.

Mararanasan pa rin ang mahina hanggang katamtaman pag-ulan sa Zambales, Cavite, Batangas, Bataan at Pampanga.

Nagbabala ang weather bureau sa posibleng pagbaha sa mabababang bahagi at pagguho ng lupa sa mga mabubundok na bahagi ng mga nasabing lugar.

Inabisuhan ang publiko at disaster risk reduction and management council na maging alerto at tutukan ang pinakahuling lagay ng panahon.