1 patay, 8 sugatan sa pagbangga ng trak sa isang bahay sa Gumaca, Quezon

Bumangga ang isang 18-wheeler truck sa isang bahay sa Gumaca, Quezon Huwebes ng hapon (October 29).

Ayon sa Gumaca Public Information Office, naganap ang aksidente sa bahagi ng Barangay Inaclagan bandang 4:00 ng hapon.

Dahil sa aksidente, isa ang napaulat na nasawi habang walo ang sugatan.

Sa ngayon, nagsasagawa pa ng imbestigasyon ang mga awtoridad kung ano ang sanhi ng aksidente.