Palasyo, hahayaan ang mga Amerikano na magpasya sa kapalaran ni U.S. Pres. Trump

Hahayaan na ng Palasyo ng Malakanyang ang mga Amerikano na magpasya sa kapalaran ni U.S. President Donald Trump.

Pahayag ito ng Palasyo sa gitna ng reelection bid ni Trump.

Sa November 3, 2020 gaganapin ang eleksyon sa Amerika.

Ayon kay Presidential spokesman Harry Roque, tanging ang mga Amerikano ang maghahalal ng kanilang presidente.

“Pabayaan na po natin ang mga Amerikano magdesisyon niyan dahil sila naman po ang hahalal ng kanilang president,” pahayag ni Roque.

Matatandaang una nang sinabi ni Pangulong Rodrigo Duterte na nararapat lamang na maging presidente pa ng Amerika si Trump.

Pero pahayag ng Palasyo, hindi pangangampanya ang ginawa ng pangulo kundi paghahayag lamang ng kanyang damdamin.