Sarado pa rin sa mga motorista ang aabot sa 15 mga lansangan sa mga lugar na nasalanta ng bagyong Quinta.
Ayon kay Public Works and Highways Sec. Mark Villar, nagpapatuloy pa ang clearing operations sa 15 national road sections.
Nagtalaga na ng DPWH quick response teams sa apat (4) na road sections sa Cordillera Administrative Region (CAR), apat (4) sa Region 2, dalawa (2) sa Region 3, apat (4) sa Region 4-A, at isa (1) sa Region 10.
Ang lahat naman ng mga kalsadang naapektuhan ng bagyo sa Bicol Region ay nabuksan na at nadaraanan na ng mga motorista.
Umabot na sa P58 million ang halaga ng mga napinsalang kalsada at tulay sa bansa.
Sa nasabing halaga, P30 Million ay sa Region 2, P20 Million sa Region 4-A at P8 Million sa Region 5. /