Sec. Berna Puyat: Swab test dapat may price cap!

Nanawagan si Tourism Secretary Bernadette Romulo-Puyat na magtakda ng ‘price cap’ para sa swab at antigen tests para mabuhay ang industriya ng turismo sa bansa.

Kasunod ito nang pagpapaluwag ng Inter-Agency Task Force sa travel restrictions sa mga lugar na nasa ilalim ng modified general community quarantine at general community quarantine.

Ayon kay Puyat, kailangang maibaba ang presyo ng kinakailangang tests para makabiyahe at makapunta sa domestic travel destinations sa bansa.

Naniniwala ito na sa pagsigla ng industriya ng turismo, madadagdagan ang mga may trabaho at makakatulong ito sa pagganda ng lagay ng ekonomiya.

Umaapela ng kooperasyon ang kalihim sa DOH-accredited laboratories para maibaba ang presyo ng COVID 19 tests.