Eastern Visayas, nakapagtala ng 124 na bagong COVID-19 cases

Nadagdagan ng 124 ang bilang ng kaso ng COVID-19 sa Eastern Visayas.

Naitala ang mga bagong kaso mula sa 1,037 laboratory samples na sinuri ng EVRCTC at DWHVL.

Sa datos ng Department of Health (DOH) – Eastern Visayas hanggang 7:00, Martes ng gabi (October 27), 6,481 na ang confirmed COVID-19 cases sa probinsya.

Sa nasabing bilang, 938 o 14.47 porsyento ang aktibong kaso.

Marami ring residente ang gumaling pa sa nakakahawang sakit.

Bunsod nito, umabot na sa 5,482 o 84.59 porsyento ang total recoveries sa Eastern Visayas.

Nasa 60 pa rin ang mga residenteng nasawi o 0.93 porsyento bunsod pa rin ng nakakahawang sakit.