Mahigit 300 pang pasahero stranded sa mga pantalan

Mayroon pang 341 na mga pasahero na stranded sa mga pantalan bunsod ng epekto ng Typhoon Quinta.

Sa update mula sa Philippine Coast Guard (PCG), sa North Port Passenger Terminal, mayroong 297 na pasaherong stranded.

Sa mga pantalan naman sa Palawan, 44 pang pasahero ang stranded.

Mayroon ding 5 barko at 3 motorbanca na stranded sa mga pantalan.

Patuloy ang PCG Command Center sa 24/7 monitoring para ipatupad ang alituntunin sa pagbabawal sa pagbiyahe ng mga sasakyang pandagat ngayong may sama ng panahon.