COVID-19 positive cases sa Western Visayas, halos 16,000 na

Nagpositibo ang 185 pang pasyente sa COVID-19 sa bahagi ng Western Visayas.

Ayon sa Department of Health Western Visayas Center for Health Development hanggang October 26, umakyat na sa 15,958 ang mga kumpirmadong kaso ng COVID-19 sa rehiyon.

2,976 sa nasabing bilang ang aktibong kaso ng nakakahawang sakit.

Sinabi nito na 77.82 porsyento ng mga kaso ng COVID-19 ay asymptomatic o walang nararanasang sintomas.

313 naman ang gumaling pa kaya 12,608 na ang total recoveries sa Western Visayas.

Umakyat naman sa 374 ang bilang ng nasawi sa rehiyon dahil sa nakakahawang sakit.