Inilalabas na tubig sa Ipo dam dinagdagan pa; water level ng dam patuloy sa pagtaas

Patuloy na tumataas ang water level ng Ipo dam dahil sa pag-ulan na dulot ng Typhoon Quinta.

Sa inilabas na dam situationer ng PAGASA alas 2:30 ng madaling araw kanina (Oct. 26), ang water level ng dam ay nasa 101.30 meters at patuloy pang tumataas.

Dahil dito, itinaas ng Ipo Dam Management ang water discharged sa dam mula sa 47.70 cms patungong 158 cms.

Ang mga residente sa low lying areas at malalapit sa river bank ng Angat River partikular sa bahagi ng Norzagaray, Angat, San Rafael, Bustos, Baliuag, Pulilan, Plaridel at Hagonoy ay pinapayuhan nang maging handa at alerto sa pagtaas ng tubig-baha.