Ilang lalawigan sa Central Luzon patuloy na makararanas ng pag-ulan

Uulanin pa rin ang ilang mga lalawigan sa Central Luzon dahil sa trough ng Typhoon Saudel.

Ayon sa inilabas na rainfall advisory ng PAGASA alas 8:00 ng umaga ngayong Biyernes (Oct. 23) ng mahina hanggang sa katamtamang pag-ulan ang mararanasan sa Bulacan.

Mahina hanggang sa katamtaman at kung minsan ay malakas na pag-ulan din ang nararanasan na sa Zambales, Bataan, Pampanga at Tarlac.

Pinapayuhan ang mga residente na maging maingat sa posibleng pagbaha.