Pagpapakawala ng tubig sa Magat Dam ipinagpaliban

Hindi na muna itutuloy ang pagpapakawala ng tubig sa Magat Dam sa Isabela.

Batay sa abiso ng National Irrigation Administration, nasa 188.11 meters ang water level ng Magat Dam as of alas 7:00 ng umaga ngayong araw.

Mababa pa ito ng 4.89 meters sa spilling level ng dam na 193 meters.

Maliban dito, 40-millimeter pa lamang ang nasukat na dami ng tubig-ulan na bumuhos sa bahagi ng Magat Watershed na mas mababa kaysa sa rainfall forecast na 120-millimeter.

Muli na lamang maglalabas ng abiso ang NIA kung kakailanganing magpakawala ng tubig sa dam.