Marikina River nananatiling nasa normal level

Nasa normal level pa rin ang sitwasyon sa Marikina River.

As of 6:00 ng umaga ngayong Miyerkules (Oct. 21) ay nasa 13.8 meters ang water level ng ilog.

Sa nakalipas na mga oras kasi ay huminto ang mga pag-ulang nararanasan sa kabundukan na nakapabalibot sa Marikina River.

Nakapagtala lamang ng 1-millimeter na dami ng buhos ng ulan sa bahagi ng Mt. Boso-Boso sa Antipolo.

Sa huling abiso ng PAGASA, mahina hanggang sa katamtamang pag-ulan ang nararanasan ngayon sa Metro Manila, Rizal at mga kalapit pang lalawigan.