Yellow rainfall warning, nakataas sa Quezon

Patuloy na nakararanas ng malakas na pag-ulan ang ilang lalawigan sa Luzon.

Sa abiso ng PAGASA bandang 2:00 ng hapon, ito ay bunsod pa rin ng Tropical Depression Pepito.

Nakataas ang yellow warning sa Quezon.

Samantala, mararanasan ang mahina hanggang katamtamang pag-ulan sa Metro Manila, Tarlac, Nueva Ecija, Zambales, Bataan, Pampanga, Bulacan, Cavite, Laguna, Batangas at Rizal.

Iiral ang nasabing sama ng panahon sa susunod na tatlong oras.

Nagbabala ang weather bureau sa posibleng pagbaha sa mabababang bahagi at pagguho ng lupa sa mga mabubundok na bahagi ng mga nasabing lugar.

Inabisuhan ang publiko at disaster risk reduction and management council na maging alerto at tutukan ang pinakahuling lagay ng panahon.