26 pang residente sa Eastern Visayas, tinamaan ng COVID-19

Nadagdagan ng 26 ang bilang ng kaso ng COVID-19 sa Eastern Visayas.

Naitala ang mga bagong kaso mula sa 382 laboratory samples na sinuri ng EVRCTC at DWHVL.

Sa datos ng Department of Health (DOH) – Eastern Visayas hanggang 7:00, Linggo ng gabi (October 18), 5,817 na ang confirmed COVID-19 cases sa rehiyon.

Sa nasabing bilang, 823 o 14.15 porsyento ang aktibong kaso.

Umabot naman na sa 4,940 o 84.92 porsyento ang total recoveries sa Eastern Visayas.

Nasa 54 naman ang mga residenteng nasawi o 0.93 porsyento bunsod pa rin ng nakakahawang sakit.